Mirar e non ver, xulgar sen saber
Afán por coller, todo teu sempre

Cuestión que negar, tempo por perder
Dente que trabar, suma segue

Así enganan aos cegos, con ameazas vivas noutros tempos
Así marca a penumbra, quen ve dun ollo gaña a partida

Na memoria, noutra versión, na que non se pode contar está a razón
Aprender, superación, saber diferenciar o real da ficción

Foron medrando, cada vez pensando peor
Foron mudando, á sombra do protector

Necios triunfarán, sempre foi igual
Torpe convicción, parodia irreflexión

Tensar moito máis, sempre rompe igual
Pensar é perder, indecisión

Así estafan aos mudos, verbas baleiras baixo a lei do silencio
Así sinalan os mancos, dedos apuntan acaban disparando

Na memoria, noutra versión, na que non se pode contar está a razón
Aprender, superación, saber diferenciar o real da ficción

Foron calando, nada que obxectar
Foron sinalando, conseguiron medrar

Na memoria, noutra versión, na que non se pode contar está a razón
Aprender, superación, saber diferenciar o real da ficción