Inda n'ta lembra
Di tudu konstranjimentus
Ki nu tivi ki derruba duranti bu surjimentu
Notis em klaru i dias sinzentu
N'fazi ki n'podi pa bu midjor kresimentu
N'ka podi dau tudu
Ma n'deu tudu ki n'podi
Pa fazeu um homi intigru, humilde i severo, sinseru
Diferenti di bu pai
Po ka fazi ninhum mudjer
Kel ki el fazi ku bu mai

Nha fidju
Vida sempri foi duru
Ma pa kada noti eskuro sempri tivi novu dia
Txeu friu i sombriu
Txeu vez ku bolsu vaziu
Nu korda ku dibda ma nunka nu dormi ku fomi
Bu é tudu nha luta
Tudu nha esforso na bu nomi
Bu poi água na nu barku
Ma si meh nu ka afunda
Kuazi tá inunda
Na meiu difikuldadi
Ma bu edukason sempri foi priuridadi
Bu edukason sempri foi priuridadi
Bu edukason sempri foi priuridadi

Será
Ki kriansa ki bu foi onti
Oji tá xinti orgulhu di homi ki bo é oji
Será
Será ki bu tá xinti orgulhu di skodjas ki abo bu fazi, di kaminhu ki abo bu skodji
Será
Será ki bu tá xinti bem
Ku mágua ki bu trazem, sofrimentu ki bu kauzam
Será
Ki prezenti ku teni oji
É futuru ki bu tá kre pa bu fidju teni manham?

Nha fidju
Mostram undi ki n'erra
Undi ki n'dexa falta
Undi ki n'ezajera
Kuzé ki n'ka fazi
Ou kuzé ki n'fazi dimás
Kuzé ki n'fazi poku
I n'pudia fazi um poku más
Na undi ki n'fadja
Si tudu nha luta foi ku tudu Dios dau pa kresi
I tornau um homi midjor
Bo flam kual ke razón
Kual ke motivason
Kual ke kauza maior
Pa bu retribuim ku tantu dor

Undi ki n'fadja
N'kre pau flam undi ki n'fadja
Si n'fazi di tudu pam edukau o sufisienti
Undi ki n'fadja
N'kre pau flam undi ki n'fadja
Si kantu bu mesti sempri mi n'stibi lá prezenti
Undi ki n'fadja
N'kre pau flam undi ki n'fadja
Si sempri n'dau dobru di kel ki n'recebi
Undi ki n'fadja
N'kre pau flam undi ki n'fadja
Flam
N'kre pau flam

Undi ki n'fadja
N'kre pau flam undi ki n'fadja
Si n'fazi di tudu pam edukau o sufisienti
Undi ki n'fadja
N'kre pau flam undi ki n'fadja
Si kantu bu mesti sempri n'stibi lá prezenti
Undi ki n'fadja
N'kre pau flam undi ki n'fadja
Si sempri n'dau dobru di tudu kel ki n'resebi
Undi ki n'fadja
N'kre pau flam undi ki n'fadja
Flam