he rā paki i te pōporo
pōhutu i te wai pūāhuru
ka hoki ngā mahara ki te ohinga o taku pāpā (o taku pāpā)
he rā paki
kia hīia ake te ika nui

ka haea te kiri
te oha ka mihia
katoa mai i tai
mai i uta (mai i uta)

ahureinga o te aroha
tā te tamariki mahi, he wāwāhi tahā
e te tau, ka tau kē!
he aha rā kei tua?
ā tōna wā ka mōhio (mōhio, mōhio)

tai kato, kao mai ana te whai
whakarongo rā ki ngā manu a rehua
ngā ngaru o te moana
kua tau nei a hine-raumati
kua hora ko te paki o hewa, o rūhī ki te ao mārama

e ngā uri o anamata
ka rite rā koe ki a wai rā?
ki ahau e noho nei, e pohewa ana?
ka noho atu ki tō ipo, kataina ai ngā whetū?
anō te whaea i te ohinga (i te ohinga)

whitikina koe e te rā, ko tō ātārangi ka mahue ki muri
he tānga manawa
mauri ora (ora, ora, ora, ora)
kia hiwa (hiwa, hiwa, hiwa, hiwa)

mauri ora (ora, ora, ora, ora)
kia hiwa (hiwa, hiwa, hiwa, hiwa)
mauri ora (ora, ora, ora, ora)
kia hiwa (hiwa, hiwa, hiwa, hiwa)
mauri ora (ora, ora, ora, ora)
kia hiwa (hiwa, hiwa, hiwa, hiwa)

i kitea rānеi te māramatanga e āta whāia ana?
ka aro koe ki ngā tohu o tе taiao
ki te ākau he ahikā
nā te tāwhaowhao ka mura
me āta kī mai kua eke rā te wā
nau mai rā, e hine-i-te-awatea