I am a miller tae my trade
And that sae weel ye ken
I am a miller tae my trade
And that sae weel ye ken
I am a miller tae my trade
Aye, and mony a sack o' meal I've made
And mony a lassie I hae laid
At the back o' the sacks o' meal

As merrily as the wheel gaes roond
The rate sae weel ye ken
As merrily as the wheel gaes roond
The rate sae weel ye ken
O, as merrily as the wheel gaes roond
Wi' grinding peas and corn
A better job was never foond
Since ever I been born

It happened ae nicht in June
When I was in mysel'
It happened ae nicht in June
When I was in mysel'
O, the lassie cam' tripplin' doon the lane, said
“I hear your mill a-clackin' in
Aye and I thocht that I would just look in
For tae see if you're in yoursel'”

You're welcome here, my Bonnie lass
You're welcome here for aye
You're welcome here, my Bonnie lass
You're welcome here for aye
You're welcome here, my Bonnie lass
Aye, whit's the news that I maun hear?
Will ye consent tae bide wi' me
Aye, and bide wi' me for aye?

The lauchin' lassie gied a smile
She said she couldna tell
The lauchin' lassie gied a smile
She said she couldna tell
O, the lauchin' lassie gied a smile
She said: Ye'll hae tae wait awhile
When I hear your mill a-clackin' in
Then ye'll hae me tae yoursel'

I kissed her lips as sweet as honey
As sweet as honey dew
I kissed her lips as sweet as honey
As sweet as honey dew
I kissed her lips as sweet as honey
Until a tear cam' in her e'e
Oh I'll leave my mammy a' for thee
Aye, and I'll bide wi' ye for aye